समस्तीपुर

समस्तीपुर भारत गणराज्यक बिहार प्रान्तमें दरभंगा प्रमंडल स्थित एकटा शहर आ जिला छी। समस्तीपुरक उत्तरमें दरभंगा, दक्षिणमें गङ्गा नदी आ पटना जिला, पश्चिममें मुजफ्फरपुर आ वैशाली जिला, तथा पूर्वमें बेगूसराय संगहि खगड़िया जिला अछि। एतय शिक्षाके माध्यम हिन्दी, उर्दू आ अङ्ग्रेजी अछि मुदा सामान्य बोल-चालमें मैथिली बाजल जाएत अछि। मिथिला क्षेत्र के परिधि स्थित इ जिला उपजाऊ कृषि प्रदेश अछि। समस्तीपुर पूर्व मध्य रेलवे के ६ टा मंडल मध्ये एकटा मंडल सेहो अछि। समस्तीपुरके मिथिलाक प्रवेशद्वार कहल जाएत अछि।

समस्तीपुर Samastipur
जनसंख्या • घनत्व	(२००१) • ११६९
क्षेत्रफल	२९०४ sq. kms कि.मी²
विभिन्न कोड • पिनकोड • ८४८ xxx • दूरभाष • +९१(०)०६२७४ • गाड़ियां • BH-xx

नामाकरण

समस्तीपुरक परम्परागत नाम सरैसा अछि। एकर वर्तमान नाम मध्य कालमें बङ्गाल एवं मिथिलाक शासक हाजी शम्सुद्दीन इलियास (१३४५-१३५८ ईस्वी)के नाम पर पड़ल अछि। किछ किछु लोकक मानैत छै कि एकर पहिलुका नाम सोमवती छल जे बदलिक' सोम वस्तीपुर फेर समवस्तीपुर आओर समस्तीपुर भऽ गेल।