रत्नेश्वर लाल कायस्थ

रत्नेश्वर लाल कायस्थ (जन्म ३ मई १९४४) एक नेपाली राजनीतिज्ञ तथा निवर्तमान मधेश प्रदेशक प्रदेश प्रमुख छी। हुनका नेपाल सरकारद्वारा सन् २०१८ जनवरी १७ कऽ दिन ई जिम्मेवारी देनए छल ।ओ सन् २०१८ जनवरी १९ कऽ दिन प्रदेश प्रमुखक रूपमे सपथ ग्रहण केनए छल ।

रत्नेश्वर लाल कायस्थ Ratneshwar Lal Kayastha
दोसर सप्तरी महोत्सव, २०१८ मे कायस्थ
मधेश प्रदेशकऽ प्रथम प्रदेश प्रमुख
कार्यकाल १९ जनवरी २०१८ – ३ नोभेम्बर २०१९
सङ्घीय समाजवादी फोरम, नेपालक प्रवक्ता तथा सचिव
कार्यकाल २००४- वर्तमान
व्यैक्तिक विवरण
जन्म	(१९४४-०५-०३) ३ मई १९४४ सुगा भवानीपट्टी (वर्तमान जलेश्वर), महोत्तरी, नेपाल
राजनैतिक दल	सङ्घीय समाजवादी फोरम, नेपाल
जीवनसाथी	सविता लाल
बाल बच्चा	४
शिक्षा	भूविज्ञान इन्जिनियर
मातृ शिक्षा प्रतिष्ठान	इम्पेरियल कलेज लन्डन

प्रदेश प्रमुख बनै सँ पूर्व ओ नेपालक कृषि मन्त्रालयक सचिव तथा जलस्रोत विभागक महासचिवक रूपमे काज केनए छल । कायस्थ अपन राजनीतिक जीवनक सुरुवात सन् २००४ मे सङ्घीय समाजवादी फोरम, नेपालक सदस्यता लऽ केनए छल ।

प्रारम्भिक जीवन आ शिक्षा

रत्नेश्वर लाल कायस्थक जन्म सन् १९४४ मई ३ कऽ दिन महोत्तरी जिलाक सुगा भवानीपट्टीमे (वर्तमान जलेश्वर) पिता लाल किशोर लाल आ माता अचकमणीक कोखिसँ भेल छल । हुनकर पिता माध्यमिक विद्यालयक शिक्षक छल । ओ जलेश्वर स्थित लक्ष्मीचन्द उच्च माध्यमिक विद्यालयसँ प्रवेशिका परीक्षा (एसएलसी) प्रथम श्रेणीमे उतिर्ण केनए छल आ ओकर बाद ओ काठमाडौंमे रहल त्रिचन्द्र कलेजसँ विज्ञान विषय राखि प्रवीणता प्रमाण पत्र आ स्नातक स्तरक पढ़ाई (बिटेक) पूर्ण केलक । ओ उच्च शिक्षा प्राप्त करवाक लेल भारतक आइआइटी खडगपुर आ लन्डन स्थित इम्पेरियल कलेज गेल छल ।

प्रशासनिक सेवा करियर

सन् १९६४ मे कायस्थ नेपालक प्रशासनिक सेवा इन्जिनियरक रूपमे सुरू केनए छल ।