पृथ्वीनारायण शाह

श्री ५ बडामहाराजाधिराज पृथ्वीनारायण शाह (१७२३–१७७५; अङ्ग्रेजी: Prithvi Narayan Shahcode: en is deprecated ) गोरखा राज्यक अन्तिम राजा आ नेपाल अधिराज्यक पहिल शाहवंशीय राजा छल। छोट छोट राज्य रजौटामे रहल बाइसे तथा चौबिस राज्यसभक एकत्रित करि देशक एकीकरण केनिहार हिनका आधुनिक नेपालक राष्ट्रनिर्माताक रूपमे जानल जाएत अछि ।हिनकर यादमे प्रति वर्ष पुष २७ गते नेपालमे राष्ट्रिय एकता दिवस मनाएल जाएत अछि।

श्री ५ वडामहाराजाधिराज पृथ्वीनारायण शाह
नेपालक राजा गोरखा राज्यक राजा
श्री ५ बडामहाराजाधिराज पृथ्वीनारायण शाह
शासनकाल	२५ सितम्बर १७६८ - ११ जनवरी १७७५
राज्याभिषेक	२५ सितम्बर १७४३
पूर्वाधिकारी	नरभूपाल शाह
उत्तराधिकारी	प्रतापसिंह शाह
जन्म	११ जनवरी १७२३ गोरखा दरबार
मृत्यु	११ जनवरी १७७५ (५२ उमरमे) देवीघाट, नुवाकोट
जीवनसाथी	इन्द्र कुमारी देवी नरेन्द्रराज्य लक्ष्मीदेवी इक्षावती देवी दयावती देवी
सन्तान	प्रतापसिंह शाह बहादुर शाह
दरबार	गोरखा दरबार
पिता	नरभूपाल शाह
माता	कौसल्यावती शाह
धर्म	हिन्दू

पृथ्वीनारायण शाहद्वारा सुरू कएल गेल नेपाल एकीकरण अभियान बढ़ैत बढ़ैत नेपाल राज्यक सीमा पूर्वमे टिस्टा नदी, दक्षिणमे मगध आ पश्चिममे सतलज नदी धरि विस्तार भेल। पाछा नेपाल अङ्ग्रेज युद्धक बाद सुगौली सन्धि धरि ई भू-भागसभ नेपालक अधिनस्थ रहल छल। नेपालक इतिहासक शीर्षस्थ पुरूष पृथ्वीनारायण शाहक वि.सं. १८३१ मकर सङ्क्रान्तिक दिन ५२ वर्षक उमरमे नुवाकोट जिलाक देवीघाटमे देहावसान भेल छल। एकार बाद नेपाल एकीकरण अभियान हिनकर पुतहू रानी राजेन्द्र लक्ष्मी आ पुत्र बहादुर शाहद्वारा आगा बढाएल गेल।

चित्र दीर्घा

• 
  पाटन विजय केलाक बाद पृथ्वीनारायण शाहद्वारा जारी कएल गेल शक सम्बत १६८५ (सन् १७६३) अङ्कित चाँदीक मोहर (आगा)
• 
  पाटन विजय केलाक बाद पृथ्वीनारायण शाहद्वारा जारी कएल गेल शक सम्बत १६८५ (सन् १७६३) अङ्कित चाँदीक मोहर (पाछा)