झिझिया नाच

झिझिया (जेकरा झिझरी सेहो कहल जाइत अछि) भारत आ नेपालक मिथिला क्षेत्र केर एकटा सांस्कृतिक लोक नृत्य थिक। ई हिन्दू महिना आश्विन (सितम्बर/अक्टूबर) मे दशहरा उत्सव केर समयमे कएल जाइत अछि। ई नृत्य विजय केर देवी दुर्गाक प्रति समर्पण प्रदर्शित करबाक सँग-सँगे कुनु परिवार, बच्चासभ आ समाज केर डायन-जोगिन आ काला जादूसँ बचेबाक लेल कएल जाइत अछि।

झिझिया नाच
Jhijhiya Naach

झिझिया नृत्य करैत महिलासभ
मूल नाम	झिझिया ঝিঝিয়া
विधा	लोक नृत्य
बाजासभ	मन्जिरा, ढोल
उत्पत्ति	मिथिला (भारत आ नेपाल क क्षेत्र)

ई कलस्थापनक दिनसँ विजयादशमी धरि लगातार दश दिन धरि सन्ध्याकालमे महिलासभ आ कुमार युवतीसभद्वारा पाँचसँ पन्द्रह गोटे के समूहमे अपन माथ पर माटि के घैला राखि आ बेर-बेरसँ नृत्य कएल जाइत अछि। घैला के भितर एकटा अग्नि दीपक रखल होइत अछि आ घैलामे अनेकौं छिद्रसभ कएल जाइत अछि। एहन मानल जाइत अछि जे जदि कुनु डायन-जोगिन घैला के छिद्र गिनबाकमे सफल भऽ जाइत अछि, तँ नर्तक केर तुरन्त मृत्यु भऽ जाइत अछि।

एहो सभ देखी

• सामा चकेवा
• छठि
• देउसी/भैलो