गोविन्द वल्लभ पन्त

पण्डित गोविन्द बल्लभ पन्त या जिबी पन्त (जन्म १० सितम्बर १८८७ - ७ मार्च १९६१) प्रसिद्ध स्वतन्त्रता सेनानी आ वरिष्ठ भारतीय राजनेता छल। ओ उत्तर प्रदेश राज्य के प्रथम मुख्य मन्त्री आ भारत के चौथा गृहमंत्री छल। सन १९५५ मे उनका भारतरत्न से सम्मानित कएल गेल। गृहमंत्री के रूप मे उनकर मुख्य योगदान भारत क भाषा के अनुसार राज्य मे विभक्त करनाइ तथा हिन्दी क भारत क राजभाषा के रूप मे प्रतिष्ठित करनाइ छल।

पण्डित गोविन्द बल्लभ पन्त Govind Ballabh Pant
भारतक गृह मंत्री
कार्यकाल २ मार्च १९५५ – ७ मार्च १९६१
प्रधानमन्त्री :	जवाहरलाल नेहरु
अग्रज :	कैलाश नाथ काटजू
उतराधिकारी :	लाल बहादुर शास्त्री
उत्तर प्रदेशक प्रथम मुख्यमन्त्री
कार्यकाल २६ जनवरी १९५० – २७ दिसम्बर १९५४
राज्यपाल :	होमी मोदी कन्हैयालाल माणिकलाल मुन्सी
अग्रज :	पद सृजित
उतराधिकारी :	सम्पूर्णानन्द
संयुक्त प्रान्तक दोसर मुख्यमन्त्री
कार्यकाल १७ जुलाई १९३७ – २ नवम्बर १९३९
अग्रज :	मुहम्मद अहमद सइद खान
उतराधिकारी :	रिक्त
कार्यकाल १ अप्रैल १९४६ – २५ जनवरी १९५०
अग्रज :	रिक्त
उतराधिकारी :	पद खत्म कएल गेल
व्यक्तिगत जानकारी
जन्म	(१८८७-०९-१०)१० सितम्बर १८८७ ग्राम खूंट, अल्मोडा जिला, उत्तर-पश्चिमी प्रान्त, ब्रिटिश भारत (वर्तमान मे उत्तराखण्ड, भारत)
मृत्यु	७ मार्च १९६१(१९६१-०३-०७) (७३ वर्ष) नयाँ दिल्ली, भारत
राष्ट्रियता	भारतीय
राजनीतिक दल	भारतीय राष्ट्रीय कांग्रेस
बच्चा	कृष्ण चन्द्र पन्त, लक्ष्मी आ पुष्पा
अलमा मेटर	इलाहाबाद विश्वविद्यालय
व्यावसायिक पेशा	वकालत
धर्म	हिन्दू

नैनीताल मे गोविन्द वल्लभ पन्त क प्रतिमा

प्रारम्भिक जीवन

इनकर जन्म १० सितम्बर १८८७ क अल्मोडा जिला के श्यामली पर्वतीय क्षेत्र स्थित गाम खूंट मे महाराष्ट्रीय मूल के एक कऱ्हाडे ब्राह्मण कुटुम्ब मे भेल। इनकर माँ क नाम गोविन्दी बाई आ पिता क नाम मनोरथ पन्त छल। बचपन मे ही पिता क मृत्यु भ जाइ के कारण उनकर परवरिश उनकर दादा बद्री दत्त जोशी केलक। १९०५ मे ओ अल्मोडा छोड देलक आ इलाहाबाद चलि गेल। म्योर सेन्ट्रल कलेज मे ओ गणित, साहित्य आ राजनीति विषयसभ के बढिया विद्यार्थिसभ मे सबसँ तेज छल। अध्ययन के साथ-साथ ओ कांग्रेस के स्वयंसेवक क कार्य सेहो करैत छल। १९०७ मे बी०ए० आ १९०९ मे कानून क डिग्री सर्वोच्च अंक के साथ हासिल केलक। एकर उपलक्ष्य मे उनका कलेज क तरफ से "लैम्सडेन अवार्ड" देल गेल।