छिन्नमस्ता भगवती

छिन्नमस्ता भगवती [सखड़ेश्वरी भगवती] मन्दिर सप्तरी जिलाकऽ राजविराज सँ दक्षिण सीमावर्ती क्षेत्र छिन्नमस्ता गाउँपालिका कऽ सखड़ा गाममे अवस्थित अछि । छिन्नमस्ता भगवती मनोकामना पूर्ण केनिहार शक्तिपीठसभमें सँ एक पीठ मानल जाईत अछि आ नेपाल आ भारतक आमजनमानसक बड्का आस्थाके केन्द्र अछि ।

छिन्नमस्ता भगवती
[[Image: ऊपर सँ नीचा दिस: छिन्नमस्ता भगवतीक प्रतिमा आ दक्षिण दिशा सँ मन्दिरक दृश्य। |280px|alt=|]]
छिन्नमस्ता भगवती नेपालक नक्सा में छिन्नमस्ता भगवतीक मन्दिर
निर्देशाङ्क:	२६°४०′०″उ॰ ८६°४४′५५″पू॰
नाम
अन्य नामसभ:	शक्रेश्वरी देवी
वास्तविक नाम:	छिन्नमस्ता भगवतीक मन्दिर
अवस्थिति
देश:	नेपाल
राज्य/अञ्चल:	सगरमाथा
जिला:	सप्तरी
स्थान:	सखडा, छिन्नमस्ता
कला आ संस्कृति
मुख्य देवता:	छिन्नमस्ता भगवती
प्रमुख पर्व:	बिजया दशमी या दशहरा

इतिहास

प्राचिन इतिहास आर किवंदन्तीके अनुसार, सन् १०९७में मुसलमान आक्रमण कालमें कर्नाटकके कर्नाटवंशी राजा नान्यदेव भागि पाटली पुत्र होइत मिथिला आएल आ सिम्रौनगढ (बारा)मे अपन राजधानी कायम कएने छल । एहि नान्यदेव वंशके पाँचम पिढीके शक्रसिंह देव राजा भेल । ऊ नाबालक पुत्र हरिसिंह देवके राजगद्दीपे राखि कऽ निर्वासित जीवन बिताबैल सप्तरी अएलाह। तखनि जङ्गलस भरल ई स्थानमें जङ्गल सफा करि कालमें भेटल भगवती मूर्तिके ओ अपन कुलदेवीक रूपमें स्थापना करलक आ अपन नामसँ देवीकें नाम शक्रेश्वरी राखने छल । देवीके शीर नैभेलाक कारणसँ किछु समयके बाद छिन्नमस्ता भगवती नाम राखल गेल छल । एहि ठाम दशमी (दशहरा) में सर्धालु भक्तजन सभक नेपाल आ भारतक बिहार सँ पैग सङ्ख्यामे माँताकें भक्तसभ दर्शन करबाक लेल आबैत अछि दशहराकें १० दिन धरि एहि ठाम पूजा पाठ केनिहार भक्तसभक खूब भीर रहैत अछि ।

मूर्तिक विशेषता

भगवतीक मूर्ति कारी रङ्गक छै। मूल मूर्तिके पैरक निचा पाड़ाक शीर स्पष्ट छै। मूल मूर्तिके कात दुनु बगल अन्य मूर्तिसभ अछि। स्थापित मूर्ति भैरवी चामुण्डा, छिन्नमस्ता, दक्षिणकाली आ महिष मर्दिनीक मूति अछि।