पर्सा वन्यजन्तु आरक्ष

पर्सा वन्यजन्तु आरक्ष (English:  Parsa Wildlife Reserve) नारायणी अञ्चलक चितवन राष्ट्रिय निकुञ्जसँ जोड़ल वन्यजन्तु आरक्ष क्षेत्र छी, जे चितवन जिलाक पुबारी भागमे, मकवानपुर जिलाक दछिनबारी भागमे, आ पर्सा आओर बारा जिलाक उतरबारी भागसभमे पसरल अछि । एहि आरक्षक क्षेत्रफल ४९९ बर्ग कि.मी. अछि । बि.सं.१९८४मे जंगली हाथीक बासस्थान संरक्षण करबाक उद्देश्यसँ एहि आरक्ष केर स्थापना कएल गेल छल । ई ७५० मीटर सँ ९५० मीटर धरिक चुरे पहाड़ क्षेत्र अगुटने अछि । एकर हावापानि (जलवायु) उष्ण प्रदेशीय श्रेणीक अछि।

पर्सा वन्यजन्तु आरक्ष Parsa Wildlife Reserve
आइयुसिएन श्रेणी II (राष्ट्रिय निकुञ्ज)
नेपालक नक्सामे पर्सा वन्यजन्तु आरक्ष अवस्थित क्षेत्र
रहल स्थान	नेपाल
नजदिकक सहर	नारायणगण
निर्देशाङ्क	२७°२८′उ॰ ८४°२०′पू॰
क्षेत्रफल	४९९ किमी२ (१९३ वर्ग माइल)
स्थापना	सन् १९९४
सरकारी संस्था	राष्ट्रिय निकुञ्ज तथा वन्यजन्तु संरक्षण विभाग, वन मन्त्रालय

वनस्पति आ वन्यजन्तुसभ

एतए चुरे पहाड़क उपरुका भागमे सखुआ आओर निचलुका भागमे खैर, सिसो, साल आदिक जंगलसभ अछि । चुरे पहाड़क दच्छिन दिस टोलमे घासक मैदान अछि । एत हाथी, बाघ, चितुवा, भालु, गौर, निलगाए, चित्तल, मृग, लंगूर, बानर, हुड़ार, बन बिलाड़ि आदि जंगली जनावरसभ भेटैत अछि । ओकर साथे एत करीब ३०० प्रजातिक चिरइसभ भेटैत अछि । ताहिमे मयुर, धनेश, मएना आदि आबैत अछि । बहुत रास रेंगि कऽ चलएबाला / घुसकएबाला जानवरसभ जेना गहुमन, करैत, अजगर / अजेगर आदि सहो भेटैत अछि ।

बाह्य जड़ीसभ

• वन्यजन्तु आरक्षक जानकारी
• पर्सा वन्यजन्तु आरक्ष सङ्ग्रहित २०१०-११-२९ वेब्याक मेसिन नेपाल सरकार वन तथा भु-संरक्षण मन्त्रालय, राष्ट्रिय निकुञ्ज तथा वन्यजन्तु संरक्षण विभाग